Бишкекте экстремисттик материалдарды таратууга шектелген жаран кармалды. Бул тууралуу ИИМдин басма сөз кызматы билдирди.
Биринчи Май райондук ички иштер бөлүмүнүн кызматкерлери экстремисттик материалдарды даярдоого, таратууга шектелип, издөөдө жүргөн 1985-жылы туулган А.Н. аттуу адамды кармаган.
Анын буга чейин «Хиб-ут Тахрир» уюмунун экстремисттик маанайдагы идеяларын социалдык тармактар, «Ал-Вьай» журналы аркылуу таратып жүргөнү аныкталган.
Шектүүнүн үйүнө тинтүү жүргүзгөндө уюлдук телефон, «Хизб-ут Тахрир түшүнүктөрү» китеби, «Хизб-ут Тахрир» уюмунун кайрылуусу, ошондой эле 18 баракча табылган.
Кармалган адам Бишкек шаардык ИИББнин убактылуу кармоочу жайына камалды. Учурда тергөө жүрүп жатат.
