Европаны каптаган «Элпис» борошосу (бороон аралаш жааган кар) Израиль өлкөсүнө жеткенин «МИР-24» телеканалы маалымдады.
Шаршембиде башталган көз ачырбаган борошо дале токтобой турат. Өлкөнүн айрым аймактарында кардын калыңдыгы 20 сантиметрге жеткен. Мындан улам Хермон тоо курорту жабылууга аргасыз болду.
Мындай борошолуу, ызгаар кышты биринчи көрүп жаткан жергиликтүүлөр видеого, сүрөткө тартып, социалдык тармактарга жарыялап жатышат.
Метеорологдор февраль айынан тарта кар эрип, күн жылый турганын айтышууда.