Бүгүнкү күндө COVID-19 расмий катталбаган дүйнөнүн 9 өлкөсү

2022-жылдын январь айынын аягына карата COVID-19 дүйнөнүн жүзүн кучагына алганына карабастан, бүгүнкү күндө дагы деле коронавирус катталбаган мамлекеттер бар.

Topmira басылмасынын маалыматына караганда, 2022-жылдын 20-январына карата планетада андай 9 өлкө бар. Алардын 2си Азияда жана 7си Океанияда жайгашкан.

Жер шарында жайгашкан коронавирусу жок өлкөлөр.

Түндүк Корея (КЭДР) коронавирус катталбаган калкынын саны боюнча эң чоң өлкө. КЭДРдин чек аралары 2020-жылдын январь айынын аягынан бери чет элдик туристтер үчүн жабык. Түштүк Кореянын маалымат булактары КЭДРге COVID-19 киргенин маалымдашкан, бирок расмий бийлик муну жашырганы айтылып келет.

Түркмөнстан. Расмий маалыматтарга караганда, өлкөдө коронавирус жок. Дүйнөлүк саламаттыкты сактоо уюмунун делегациясы 2020-жылдын июль айында Түркмөнстанга 10 күндүк иш сапары менен барып, курч респиратордук инфекциялар жана пневмония учурларынын көбөйүшүнө тынчсыздануусун билдирген. Жалпыга маалымдоо каражаттары жана эркин  булактар ​​өлкөдө COVID-19дан жабыркагандар бар деп ырасташат. Ал эми расмий бийлик карылардын өлүмүнүн себеби жүрөк оорусунан, ал эми жаштарда пневмониядан экенин белгилеп келишет.

Науру — Түштүк Микронезиянын Батыш Тынч океанындагы коралл аралы. Калкы 13,5 миң адамды түзөт.

2022-жылдын 26-январына карата бир да инфекция катталган эмес. Учурда вирус катталбаган жер жүзүндөгү өлкөлөрдүн бири бойдон калды. Өлкөдө COVID-19га каршы эмдөө кызуу жүрүп жатат. 18-январга карата республика боюнча 7764 (61,7%) адам бир доза, 7364 (58,5%) эки дозалык эмдөөдөн өткөн

Ниуэ – Тынч океандын түштүгүндөгү мамлекет, Жаңы Зеландия Королдугунун бир бөлүгү. Калкы 2 миң адамды түзөт. 26-январга карата өлкөдө коронавирус инфекциясынын катталганы тууралуу маалымат жок. 2021-жылдын 9-июнуна карата республика боюнча бир доза менен 1202 (74,2%), эки доза менен 1150 (71,8%) эмделген.

Тувалу – Полинезиядагы мамлекет. Өлкө калкынын саны 11,2 миң адамды түзөт. 24-январга карата өлкөдө коронавирус инфекциясы катталганы тууралуу маалымат жок. 2021-жылдын 22-ноябрына карата республика боюнча 6230 (56,3%) адам бир доза, 5884 (53,2%) эки доза менен эмдөөдөн өткөн.

Маршалл аралдары — Америка Кошмо Штаттары менен байланышкан Микронезиядагы Тынч океан штаты. Аралдын калкынын саны 60 миң адамды түзөт. Вирус Маршалл аралдарына 2020-жылдын 28-октябрында тастыкталган (COVID-19 менен ооруган 7 учур катталып, баары айыгып кеткен). 26-январга карата өлкөдө коронавирус катталган жок. 2020-жылдын декабрында COVID-19га каршы эмдөө башталган, бирок эмделген адамдардын саны белгисиз.

Вануату — Тынч океандагы арал мамлекет. Калкы 318 миң адамды түзөт. Вирус Вануатуга 2020-жылдын 11-ноябрында жеткен (COVID-19 инфекциясынын 7 учуру катталып, бир адам каза болуп, 6 адам айыгып чыккан). Бүгүнкү күнгө чейин өлкөдө коронавирус катталган эмес. 2022-жылдын 22-январына карата республика боюнча 109 миң 176 (34,2%) адам бир доза, 69 миң 288 (21,7%) эки доза менен эмдөөдөн өткөн.

Микронезия — Океаниядагы мамлекет, Каролин аралдарында жайгашкан. Вирус Микронезия Федеративдик мамлекеттерине 2021-жылдын 8-январында жеткен (COVID-19 1 учуру болгон, бейтап айыгып кеткен). Бүгүнкү күнгө чейин өлкөдө коронавирус катталган жок.

Тонга — Полинезиядагы мамлекет. Калкы 108 миң адамды түзөт. Өлкөдө биринчи учур 2021-жылдын 30-октябрында катталган (COVID-19 1 учуру катталып, бейтап айыгып кеткен). Бүгүнкү күнгө чейин өлкөдө коронавирус катталган жок. 18-январга карата республика боюнча 74 миң 4 (68,8%) адам бир доза, 64 миң 68 (60,1%) эки дозадан эмдөөдөн өткөн.