Экономист: Энергетикалык авариянын зыяны миллиардаган долларды түзүшү мүмкүн

Казакстан, Кыргызстан жана Өзбекстанда электр жарыгынын бир нече саатка үзгүлтүккө учурашынан келтирилген зыян жүздөгөн миллиард долларды түзүшү мүмкүн. Бул тууралуу экономика илимдеринин кандидаты, орусиялык каржы талдоочу Михаил Беляев Lenta.ru сайтына билдирди.

Беляевдин айтымында, электр энергиясын бир нече саатка өчүрүү чоң экономикалык зыянга алып келет. Анткени бул үй чарбалык деңгээлине гана эмес, өнөр жай жана транспорт тармагына да таасирин тийгизип,  үзгүлтүксүз циклдин тармактарына, электроника жана информациялык технология куралдарына сокку урат.

«Калыбына келтирүү мезгили анчалык оңой болбойт. Бул жөн эле кайра күйгүзүү эмес, электрди күйгүзүү. Ошондой эле жер титирөөлөрдөгүдөй кийинки силкинүүлөр болот, алар узакка созулат. Бул афтерсилкүүлөр дагы эле экономикага абдан кыйратуучу таасирин тийгизет. Бул жерде так сандарды атай албайбыз, бирок кыйроо деген сөз бул жерге эң жакшы туура келет», — деп түшүндүрдү экономист.

Кечээ, 25-январда Борбор Азияда Казакстан, Кыргызстан жана Өзбекстанды электр энергиясынан ажыраткан массалык авария болгон. Бул транзиттик линиянын ашыкча жүктөлүшүнө байланыштуу болгонун KEGOC электр тармактарын башкаруу кызматынын казак операторунун басма сөз кызматы билдирди.