Хелсинки комитети кыргыз бийлигин Темировдун ишин тез арада иликтөөгө чакырды

Норвегиянын Хельсинки комитети Кыргызстандын укук коргоо кызматкерлерин журналист Болот Темировду тинтүү убагында ага атайылап баңгизат ташталган деген маалыматты тез арада иликтөөгө чакырды. Кайрылуу уюмдун «Твиттердеги» расмий баракчасында жарыяланды.

To prevent speculation that authorities are cracking down on media outlets investigating top-level corruption, authorities in #Kyrgyzstan must asap investigate claims that police planted marihuana on journalist Bolot Temirov @vahoel during raid on offices of Temirov Live tonight. pic.twitter.com/6LUkiaM5I9

— Norwegian Helsinki Committee (@nhc_no) January 22, 2022

Уюмдун айтымында, бул жогорку жетекчилик арасындагы коррупцияны иликтеген журналисттерди куугунтуктап жатышат деген божомолдордун алдын алуу үчүн жасалышы керек.

Кечээ милиция кызматкерлери атайын багыттагы жоокерлердин коштоосунда Темиров Live телеканалынын журналисттеринин Бишкектеги кеңсесине келишкен. Болот Темиров кармалып, борбор калаанын Ички иштер бөлүмүнө жеткирилген. Ал эмнеге айыпталып жатканы азырынча белгисиз.

Бүгүн Болот Темиров менен бирге анын кесиптеши Болот Назаров кармалганы белгилүү болду.