Кыргызстанда бир айдын ичинде күйүүчү майдын баасы 4 сомго кымбатташы күтүлүүдө. Бул тууралуу Нефтетрейдерлер ассоциациясы билдирди.
Мындан тышкары дизель майы 6 сомго чейин көтөрүлүшү болжолдонууда.
Бул Орусиянын мунай иштетүүчү заводдорунда күйүүчү майдын сатуу баасынын жогорулашына байланыштуу болот. Казакстанда болсо ички суроо-талапты камсыздоо үчүн мунай продуктуларын экспорттоого тыюу салынды.
Ассоциациянын маалыматы боюнча, учурда күйүүчү майга болгон баанын өсүшүнүн кошумча факторлору төмөнкүлөр:
— ОПЕК+ өлкөлөрүнүн макулдашуулары боюнча өндүрүш көлөмүнүн төмөндөшү;
— акыркы эки жылдагы блокададан улам мунай секторуна инвестициянын олуттуу кыскарышы;
— ОПЕК+ өлкөлөрүндөгү геосаясий кырдаал. Казакстандагы нааразылык акциялары темир жол байланыштарын үзүп, өлкөдөгү эң ири Теңиз кениндеги өндүрүшкө зыян келтиргенден кийин баалар 5% өстү.
Ливияда мунай өндүрүү өлкөнүн чыгышындагы мунай куурунун жабылышынан улам кыскарды.
Кыргызстан мунай продуктуларынын 95 пайызын башка өлкөлөрдөн, анын ичинде Орусиядан импорттойт.