Казакстандын Алматы шаарынын жергиликтүү бийлиги тополоңдо каза болгон төрт жашар кыздын үй бүлөсүнө үч бөлмөлүү батир берет. Бул тууралуу шаардык мэриянын басма сөз кызматы маалымат таратты.
Кыз 7-январда тополоңдо унааны аткылоо учурунда мерт кеткен. Ал эми анын 15 жаштагы эжеси жаракат алып, учурда жандандыруу бөлүмүндө жатат. 14-январда аны Алматы шаарынын мэри Бакытжан Сагинтаев барып көрүп, ата-энесине көңүл айтты.
Расмий маалыматтар боюнча, тополоңдо төрт жашар кыздан тышкары 11 жана 15 жаштагы дагы эки бала каза болгон.