АКШда донордук кан топтоо жетишсиз болуп баштады. Бул тууралуу «Кызыл Крест» уюму билдирди.
Мындай мүчүлүштүктүн себеби COVID-19дун «омикрон» штаммынын кескин жайылып кетиши экени айтылды. Тактап айтканда, коронавирус жугузган донорлор көп болуп, атайын борборлор жетиштүү кан топтой албай калып жатышат.
Буга байланыштуу АКШ ооруканаларынын 40%ын донордук кан менен камсыздаган «Кызыл Крест» уюму чектөө киргизүүгө аргасыз болууда.
Учурда АКШда күнүнө бир жарым миллионго чукул адамдын коронавируска чалдыкканы аныкталууда.