Кыргызстандын Өзбекстандагы элчиси Ибрагим Жунусовдун дипломатиялык миссиясы аяктады. Бул тууралуу Өзбекстандын Тышкы иштер министрилигинин басма сөз кызматы кабарлады.
Бүгүн, 12-январда Өзбекстандын тышкы иштер министри Абдулазиз Камилов Ибрагим Жунусовду өлкөдөгү дипломатиялык миссиясынын аяктаганына байланыштуу кабыл алды.
Министр Ибрагим Жунусовдун өзбек-кыргыз мамилелерин кеңейтүүгө жана чыңдоого кошкон салымын жогору баалады. Андан соң буга чейинки макулдашууларды ишке ашыруунун жүрүшү жана алдыда боло турган иш-чаралардын графиги каралды.
Ибрагим Жунусов өзбек тарапка анын өлкөдөгү дипломатиялык миссиясын ийгиликтүү ишке ашыруу үчүн жагымдуу шарт түзүп бергенине ыраазычылык билдирди.