Казакстанда болгон тополоң фактылары боюнча 125 кылмыш иши козголду. Бул тууралуу ички иштер министри Ерлан Тургумбаев билдирди.
Анын айтымында, милиция тарабынан зордук-зомбулук, адам өлтүрүү жана тоноо фактылары боюнча кылмыш иштери козголгон.
Буга чейин Казакстандын Ички иштер министрлиги өлкөдө болгон тополоңго байланыштуу 5 миң 135 адам кармалганын билдирген.
Ошондой эле милиция кызматкерлери менен курсанттардын ур-токмокко алынып, алардын формасын, атайын жабдыктарын тартып алышып, алар ээн-эркин ок чыгарып, тартип сакчылары эле эмес, карапайым жарандар да набыт болгон. Тополоңдо 400 унаа талкаланган, анын 346сы милиция кызматкерлери.
Белгилей кетсек, бүгүн, 9-январда жергиликтүү маалымат каражаттары аймактардагы бардык май куюучу жайларга күйүүчү май берүү жанданып, азык-түлүк үзгүлтүксүз камсыздалып жатканын, республика боюнча зымдуу интернет кошулганын, бирок мобилдик интернетке туташуу дагы деле мүмкүн эместигин жазып чыгышты.