Актауда митингчилер тарай баштады. Бул тууралуу «Sputnik Казакстан» агенттиги билдирди.
«Ынтымак» борбордук аянтында митингчилер боз үйлөрүн, чатырларын чечип, буюм-тайымдарын жыйнаштырып, таштандыларды чогултуп, четинен кетип жатканы айтылат маалыматта.
Учурда аянтта 50-60тай адам калган. Арасынан үчөө элди кетпей, аягына чейин турууга үндөөдө.
Ошондой эле Актауда мобилдик байланыш, интернет калыбына келгени белгилүү болду.
Коомдук унаалар да кадимки тартипте ишин улантууда.