Казакстандын Улуттук коопсуздук комитетинин мурдагы төрагасы Карим Масимов мамлекетке чыккынчылык кылган деген шек менен кармалганын «РИА Новости» билдирди.
Бул маселе боюнча сотко чейинки тергөө иштери 6-январда башталган.
«Ошол эле күнү бул кылмышка шектелип, УКМКнын мурдагы төрагасы К.К.Масимов жана башка адамдар кармалып, убактылуу кармоочу жайга киргизилди», — деп айтылат УКМКнын билдирүүсүндө.
Казакстандын биринчи президенти Нурсултан Назарбаевдин экс-кеңешчиси Ермухамет Ертысбаев өлкөдөгү кризистин себептеринин бири жогорку даражалуу аткаминерлер менен коопсуздук кызматкерлеринин чыккынчылыгы экенин айтты.