Казакстандын Тараз шаарынын борбордук «Арбат» аянтына орнотулган башкы балаты өрттөнүп кетти. Бул тууралуу жергиликтүү басылмалар жазды.
Жамбыл облустук Өзгөчө кырдаалдар департаментинин берген маалыматына караганда, өрт 1-январга караган түнү, саат 00:06 чамасында башталган. Жеринде 14 өрт өчүрүүчү, 4 техника иштеп, саат 00:15те чектөөгө алып, 00:20да толук өчүрүп бүтүшкөн.
Жабыркагандар катталбаганы, учурда өрттүн чыгуу себеби иликтенип жатканы айтылат маалыматта.
