Нарын районунун Кеңеш айылындагы Казаалы Абиров орто мектебинин ачылышы өттү. Бул тууралуу Президенттин Нарын облусундагы өкүлчүлүгү билдирди.
150 орундуу, бардык заманбап шарты бар мектептин имаратын курууга 2019-жылы республикалык бюджеттен 57 млн 937 миң сом бөлүнүп берилип, курулуш иштерин «ЭМГ-Строй» ишканасы жүргүзгөн.
Учурда мектепте 172 окуучу билим алып, 22 мугалим эмгектенип жатат.
Айта кетсек, 1971-жылы ашар жолу менен салынган мектеп имаратынын авариялык абалда экенине байланыштуу жергиликтүү бийлик 2019-жылы контейнерлерден мобилдүү мектеп тургузууга аргасыз болгон. Бул коомчулукта кызуу талкуу жараткан.
