Бишкек шаарында таштанды челектерди жер астына түшүрүү боюнча долбоорду Украинанын «Диасон» компаниясы жүзөгө ашыра турган болду. Бул тууралуу мэриянын басма сөз кызматы билдирди.
Компания орното турган 3 таштандыны жер астына чогултуу системасынын ар биринде 4 челек болот.
Заманбап технологиянын аркасында шаар көчөлөрүнүн эстетикалык көрүнүшү жакшырарын маалымдады мэрия.
Андан тышкары мунун аркасы менен шаар ичи тазаланып, иретке келерин, чириген тамак-аш калдыктарынын жыты жоголорун айтышты.