Ысык-Көлдө «Мерседес Спринтер» үлгүсүндөгү унаа бакты сүзүп, айдоочусу каза болду. Бул тууралуу Өзгөчө кырдаалдар министрлигинин басма сөз кызматы билдирди.
Окуя Балыкчы — Бөкөнбаев — Каракол унаа жолунун 200-чакырымында Шалба айылында катталган. Анда «Мерседес-Бенц Спринтер» үлгүсүндөгү унаанын айдоочусу рулду башкара албай калып, бакты сүзгөн.
ӨКМ билдиргендей, кырсыктын кесепетинен каза болгон жаран 1979-жылы туулган жаран Б.М. болгон.
Куткаруучулар кырсык болгон жерге келгенге чейин милиция кызматкерлери маркумдун сөөгүн алып чыгышкан.