Эртең 27-декабрдан тарта 2022-жылдын 10-январына чейин Кара-Кече кенинен көмүр казуу убактылуу токтотулат. Бул тууралуу «Кыргыз көмүр» мамлекеттик ишканасы билдирди.
Ишкана берген маалыматка караганда, бул аралыкта кенди тазалоо, жаңы катмар ачуу иштери жүргүзүлөт.
Бул токтотуу кесек көмүр сатып ала турган тараптарга тиешелүү, ал эми Бишкек ЖЭБине майда көмүр тынымсыз жеткирилип турат.
Эскерте кетсек, көмүр казуу 15-20-декабрда да убактылуу токтотулган болчу.