Министрлер кабинети жаңы жыл мезгилинде жумушчу күндөрдү жылдыруу чечимин кабыл алды.
Кабыл алынган чечимге ылайык, жумасына беш күн иштеген жарандар үчүн 2022-жылдын 1-9-январы эс алуу күн деп жарыяланды.
Тактап айтканда, 2022-жылдын 15-январындагы дем алыш күнү — 2022-жылдын 4-январындагы иш күнүнө (тийиштүү түрдө 15-январь 4-январдын ордуна иш күнү болуп саналат), 2022-жылдын 26-февралындагы дем алыш күнү — 2022-жылдын 5-январындагы жумуш күнүнө, 2022-жылдын 26-мартындагы дем алыш күнү 2022-жылдын 6-январындагы жумуш күнүнө жылдырылды.
Белгилей кетсек, 1-май, 5-май жана 9-май да майрам күндөрү болуп саналат, ал эми Орозо айт майрамы май айынын биринчи күндөрүнө туура келгендигине байланыштуу Эмгек, социалдык камсыздоо жана миграция министрлиги тарабынан 1-майдан 9-майга чейинки мезгилди эс алуу күн катары жарыялоо сунушу киргизилди.
Министрлер кабинетинин төрагасы Акылбек Жапаров белгилегендей, май майрамдарын жылдыруу тууралуу акыркы чечим 2022-жылдын I кварталында кабыл алынат.