Кыргызстан жана Грузиянын футзал боюнча улуттук курамаларынын ортосунда өткөн жолдоштук беттеш 2:2 эсебинде тең чыгуу менен аяктады.
Жолдоштук беттеш Грузиянын борбору Тбилиси шаарында өттү. Кыргызстандын голун Нурсултан Абдылдаев менен Азат Исабеков киргизди.
Айта кетсек, курама командалар 21-декабрда да беттешип, 2:1 эсебинде Кыргызстандын жеңиши менен аяктаган.
Кыргызстан курамасы беттешти 2022-жылы өтө турган Азия Кубогуна тандоо оюндарына, Грузия курамасы 2022-жылдын 19-январында Нидерландыда баштала турган футзал боюнча Европа чемпионатына даярдык катары өткөрдү.