Кыргызстандык режиссёр Мирлан Абдуллаев тарткан «Корукчу» (Ranger) даректүү тасмасы Италиядагы кинофестивалда финалга чыкты. Бул жаңылык кинофорумдун расмий сайтына жарыяланды.
Climate Space эл аралык фестивалында 17 тасма финалга тандалып алынган. Фестиваль 1-декабрда Миланда башталган, 18-декабрда жыйынтыгы чыгарылып, жеңүүчүлөр сыйланат.
Даректүү тасмада Токтогул районундагы «Алатай» жаратылыш паркы ачылган 2016-жылдан бери корукчу (егерь) болуп эмгектенип келаткан Нуржигит Мамбеталиевдин бир күндүк жашоосу чагылдырылган.