Франциянын Санари-сюр-Мер коммунасында үч кабаттуу имарат жарылды. Бул тууралуу BFM телеканалы билдирди.
Жарылуу газ түтүгүнүн тешилип калуусунан келип чыккан. Окуя болгон жерде 2 өрт өчүрүү унаасы, 70 кызматкер иш алып барган.
Кырсыктан төрт адам жабыркап, ооруканага жеткирилген. Урандынын астында болжол менен беш адам калганы айтылып, учурда издөө иштери жүрүп жатат.
Аймактагы тургундар коопсуз жайга көчүрүлгөн. Жарылуудан калган калдыктар тазаланууда.
