Учурда балдар онкологиясы бөлүмүндө орун жактан эч кандай көйгөй жок. Бул тууралуу бөлүмдүн онкологу Султан Стамбеков «Маралдын» эфиринде билдирди.
Анын айтымында, балдардын онкология бөлүмү 22-ноябрдан тарта Улуттук онкология жана гематология борборунан кетип, Улуттук энеликти жана балдарды коргоо борборуна көчүп барды. Ал жакта Кувейттен келген демөөрчүлөрдүн күчү менен 4 кабаттуу жаңы имарат ачылган. Имаратта жаңы жабдуулар, күчтүү аппараттар бар.
«Эски имаратта 41 орун болуп, жетпей калчу. Азыр жаңы имарат ачылып, 70 койко-орун жана 10 реанимациялык орун бар», — деди ал.