Түркиянын Анкара шаарындагы Гази университетинде кыргыз профессионал жазма адабиятынын түптөөчүлөрүнүн бири, кыргыз тилинин грамматикасы менен морфологиясынын негиздөөчүсү, акын, жазуучу, драматург, агартуучу, мамлекеттик ишмер Касым Тыныстановдун 120 жылдыгына арналган иш-чара болуп өттү. Бул тууралуу Тышкы иштер министрлиги билдирди.
Иш-чарага катышкан Кыргызстандын Түркиядагы элчиси Кубанычбек Өмүралиев, Гази университетинин ректору Муса Йылдыз, профессор Хулья Касапоглу Ченгел Касым Тыныстановдун Кыргызстандын илим-билимин өнүктүрүүгө, кыргыз мамлекетин түптөөгө кошкон салымын студенттерге айтып беришти.
Иш-чаранын жүрүшүндө Касым Тыныстановдун өмүрү жана чыгармачылыгы тууралуу кыскача видеоролик да көрсөтүлдү.
