Бишкек шаарынын Худайбергенов көчөсүндө жол жээгинде токтоп турган эки унаа өрттөнүп кетти. Бул тууралуу Өзгөчө кырдаалдар министрлигинин басма сөз кызматы билдирди.
Окуя бүгүн, 1-декабрда саат 03.20лар чамасында болгон. Биринчи болуп Мерседес-Бенц өрттөнүп баштаган. Андан кийин жакын турган Toyota Camry С-230 унаасына өткөн.
Өрт саат 03:50дө чектөөгө алынып, саат 4.08де толук өчүрүлгөн.
Учурда өрттүн келип чыгуу себептери иликтенип жатат.