Садыр Жапаров Равшан Жээнбековго добуш бердиби? (сүрөт)

Президент Садыр Жапаров Бишкектин №26 Ленин округунан депутаттыкка талапкер болгон Равшан Жээнбековго добуш бергени айтылууда. Бул тууралуу «Евразиянет» басылмасынын (Eurasianet) редактору Питер Леонард «Твиттер» баракчасына жазды.

Анда Жапаровдун бюллетенди урнага салып жаткан учурундагы сүрөтүн көрүүгө болот. Өлкө башчысы тизмеде биринчи турган талапкердин тушундагы графага белги койгон.

«Прессага атайын ачыкталган болушу мүмкүн (же балким андай эмес), президент Жапаров 2019-жылдын августундагы башаламандык боюнча айыпталып, иши сотто каралып жаткан Равшан Жээнбеков үчүн жергиликтүү бир мандаттуу округда добуш берди», — деп жазды ал.

In what may (or may not) have been an intentional reveal to the press, President Japarov cast his vote in his local single-mandate district for Ravshan Jeenbekov, who is currently facing trial on charges related to unrest in August 2019 #Kyrgyzstan pic.twitter.com/WhiL1q5Xo5

— Peter Leonard (@Peter__Leonard) November 28, 2021

Кыргызстанда 28-ноябрда парламенттик шайлоо өттү. Анын алдын ала жыйынтыгы боюнча, 6 партия босого чектен өттү:

• «Ата Журт Кыргызстан» – 16,44%;
• «Ишеним» – 13,2%;
• «Ынтымак» — 10,65%;
• «Альянс» – 8,07%;
• «Бүтүн Кыргызстан» – 6,58%;
• «Ыйман Нуру» — 5,95%.

Жаңы шайлоо мыйзамына ылайык, Жогорку Кеңеште 90 депутат болуп, алардын 54ү партиялык тизме менен, 36сы бир мандаттуу округдан шайланат. Шайлоого 21 партия жана бир мандаттуу округдан 287 талапкер катышты.