Акыркы алынган маалыматтарга ылайык, добуш берген бюллетеньдердин 113 553ү жараксыз болду. Бул тууралуу БШКнын сайтына жарыяланган маалыматта айтылат.
Добуш берүүгө жалпы 1 177 657 жаран катышты. Анын ичинен 90% бюллетень жарактуу болсо, 10%дай бюллетень жараксыз болду.
Ушу тапта добуштарды автоматтык саноочу урна эсептөөдө. Андан соң кол менен саналып, акыркы расмий жыйынтык 18-декабрга чейин жарыяланат.
Жалпысынан 2494 шайлоо тилкеси ачылган. Алардын 59у чет өлкөлөрдө.
Жалпысынан жарышка бир мандаттуу округдар боюнча 282 талапкер жана 21 партия катышты.