27-ноябрга карата 11 миң 358 адам коронавируска каршы эмдөө алды. Бул тууралуу Республикалык штаб кабарлады.
Алардын ичинен 5 миң 153 адам вакцинанын биринчи дозасын, 6 миң 205 жаран экинчи дозасын алды.
Өлкө боюнча жалпы 1 млн 98 миң 855 адам вакцинанын биринчи компоненти менен, ал эми 883 миң 210 жаран экинчи компоненти менен эмделди.
Өлкөдө COVID-19га каршы эмдөө ушул жылдын 29-мартында башталган. Учурда өлкө калкы SinoPfarm, «Спутник V», Pfizer, AstraZeneca вакциналары менен эмделип жатат.
Ошондой эле Кыргызстанга коронавируска каршы «Модерна» вакцинасынын 115 миң 200 дозасы алып келинди.