Тажикстан күч түзүмдөрү кармап кеткен Кыргызстандын үч жараны өлкөгө кайтарылды. Бул тууралуу Мамлекеттик чек ара кызматы билдирди.
Маалым болгондой, кечээ, 26-ноябрда эки тараптын чек ара кызматынын өкүлдөрү жолуккан. Анда Борбордук — Арка (Хужант — Канибадам) унаа жолунун боюндагы курулуш иштери талкууланып, тажик тарап курулушту токтотушарын билдирген.
Мындан тышкары эки тараптан кармалып кеткен жарандар боюнча сүйлөшүлүп, Тажикстан 3 жаранды Кыргызстанга өткөрүп берген. Алдыда дагы 3 жаранды Мекенине кайтаруу каралып жатат.
Ошондой эле Кыргызстанда кармалган 2 тажикти бошотуу боюнча сүйлөшүүлөр орун алган.