№11 Алай округунан Жогорку Кеңештин депутаттыгына талапкер Бакытбек Саиповдун үстүнөн арыз түштү. Бул тууралуу Борбордук шайлоо комиссиясы билдирди.
Анын Кара-Кулжа айылында алкоголдук ичимдиктерди бекер таратып жүргөнү такталган. «Шайлоочуларды сатып алуу» беренесине байланышкан бул факты Ички иштер министрлигине текшерүүгө жөнөтүлдү.
Жогорку Кеңештин депутаттарын шайлоо 28-ноябрда өтөт. Жаңы Башмыйзамга ылайык, парламент 90 депутаттан туруп, анын 54ү партиялык тизме менен, 36сы бир мандаттуу округдан шайланып келет.