Мамлекеттик кепилдиктер программасына ылайык, кургак учук менен ооругандар жеңилдик берилүүчү категорияга кирет.
Тактап айтканда, кургак учук менен ооругандар тармактык бөлүмдөрдө, ооруканаларда, медициналык борборлордо, фельдшердик-акушердик пункттарда дарыгерлердин кеңешин, лабораториялык жана диагностикалык текшерүүлөрдү, дары-дармекти акысыз алышат.
Эгерде оорулуу милдеттүү медициналык камсыздандыруу документи болсо (иштегендер; пенсиядагылар; социалдык жөлөк пул алгандар; он алты жашка толо элек балдар; баштапкы кесиптик окуу жайлардын окуучулары; орто жана жогорку кесиптик окуу жайлардын студенттери; ММК төгүмдөрүн өз алдынча төлөгөндөр жана ММК полисин сатып алгандар), анда алар дары-дармек менен жеңилдетилген шартта камсыз болуу укугуна ээ.