«Марал» радиосу эми Лейлек районунда обого чыга баштады. Радиону 87.9 жыштыгында уга аласыз.
«Марал» радиосу 10 жылдан бери Кыргызстандын бир катар аймактарында обого чыгып келет. Алсак, Ош жана Жалал-Абадда 95.3, Бишкек менен Чүйдө 88.5 жыштыгында, Баткенде 105.0 жыштыгында уксаңыз болот. Ал эми Кыргызстандын жана дүйнөнүн каалаган бурчунан радиону онлайн да уга аласыз.
Радионун контенти 65% маалыматтык, 35% көңүл ачуучу программалардан турат. Маалыматтык бөлүктө Кыргызстанда жана дүйнөдө болуп жаткан саясий окуялар, жаңылыктар, социалдык, коомдук маанидеги маселелердин талкуусу, экономикалык божомолдор жана ишкерлердин ийгилик сырлары, медициналык жаңылыктар жана оорулардын алдын алуу боюнча программалар, юридикалык кеңештер берилет. Көңүл ачуучу бөлүктө маданият жаңылыктары, белгилүүлөр менен маектер, оюн-зоок программалары обого чыгат.
«Марал» Медиада радиодон сырткары www.maralfm.kg маалыматтык сайты жана Maral TV телеканалы да иш алып барат.