УКМК тарабынан жүргүзүлүп жаткан ыкчам издөө иш-чараларынын алкагында түштүк аймак боюнча «Хизбут-Тахрир» диний экстремисттик уюмунун лидери кармалды.
Кылмышка шектүү Өзбекстандагы «Хизбут-Тахрир” уюмунун жооптуу адамы катары Кыргызстандын түштүк аймактарында өзүнүн санаалаштары менен көмүскө иштерди жасап келген. Ага Өзбекстандын күч түзүмдөрү издөө жарыялаган.
Айтылган Ш.Ш. аттуу жаран 4-ноябрда Ош шаарынын аймагынан кармалды.
Такталган маалматка ылайык, кармалган Ш.Ш. жасалма документи менен Кыргызстандын аймагында жашырынып жүргөнү аныкталган.
Топтолгон далилдердин негизинде кармалган адам УКМКнын убактылуу кармоочу жайына киргизилди.