Кыргызстандын президенти Садыр Жапаров Шотландиянын Глазго шаарында өтүп жаткан дүйнө лидерлеринин климаттын өзгөрүшүнө арналган саммитине катышууда. Ага 120дан ашуун мамлекеттин башчылары жана жогорку жетекчилери Британияга келди.
Бүгүн, 2-ноябрда президент Садыр Жапаров Глазго шаарындагы дүйнө лидерлеринин Саммитинин пленардык жыйынында кайрылуу жасады. Анда мөңгүлөрдү жана суу ресурстарын климаттын өзгөрүүсүнөн сактап калуу маанилүү экенине көңүл буруп, айлана-чөйрөнү коргоо маселелерине токтолду.
Белгилей кетсек, Президент Садыр Жапаров 1-ноябрда Глазго шаарында БириккенУлуттар Уюмунун климаттын өзгөрүүсү жөнүндө алкактык конвенциясынын тараптарынын 26-конференциясынын дүйнө лидерлеринин Саммитинин ачылышына катышты. Ушул эле иш сапардын алкагында президент чет өлкөлүк кесиптештери, эл аралык климаттык уюмдардын жана көп тараптуу өнүктүрүү банктардын жетекчилери менен жолугушту.
