Александр Крестинин Бишкектин «Дордой» футбол клубунун машыктыруучусу кызматынан кетти. Бул тууралуу клубдун расмий сайтына жарыяланды.
Ал өзү кызматтан кетүүгө арыз жазган.
Крестинин команданы 2017-жылдан бери машыктырып, башкы насаатчы катары 169 беттеш өткөргөн.
Анын жетекчилигинде «Дордой» футбол клубу төрт жолу катары менен Кыргызстандын премьер-лигасында чемпион (2018, 2019, 2020, 2021), эки жолу Кыргызстандын Кубогунун (2017, 2018) жана Суперкубогунун (2019, 2021) жеңүүчүсү болгон.
Александр Крестинин 2014-жылдан бери Кыргызстан курама командасынын башкы машыктыруучу болуп эмгектенет.