Кыргызстанда ушул жылдын III кварталында жашоо минимумунун өлчөмү 6383 сомду (75 доллардан бир аз көбүрөөк) түзүп, өткөн жылдын ушул мезгилине салыштырмалуу 1158 сомго (14 доллар) же 22%га өстү. Мындай маалыматты Улуттук статистика комитети жарыялады.
Жашоо минимумунун наркы республиканын бардык аймактарында өстү. Өлкөдө жашоо минимумунун эң жогорку көрсөткүчү Жалал-Абад облусунда катталган. Андан кийин Бишкек менен Ош шаарлары турат.
Жашоо минимумунда каралган акчанын 65%ы азык-түлүк сатып алууга, 16%ы башка товарларга, 17%ы кызмат көрсөтүүлөргө жана салык төлөөгө 2%ы коротулат деп эсептелген.
Жашоо минимуму – бир адамдын бир айда күнүмдүк оокатын «дурус» өткөрүү үчүн жетет деген акчанын өлчөмү.
Өткөн жылдын жыйынтыгы менен Кыргызстанда жашоо минимуму 5 миң 562 сом болгон.
Аймактардагы жашоо минимуму
(адам башына орточо эсеп менен алганда, айына сом менен)
