Кыргызстанда быйыл 8 айда 350 чакан ишкана ачылып, жалпы 42 776 иш орун түзүлдү. Бул тууралуу президент Садыр Жапаров маалымат жыйынында билдирди.
Маалымат жыйында Жапаров өлкөнүн бюджетинин киреше жана чыгаша бөлүгүнө токтолду.
Быйыл 9 айда бюджетке 129 млрд сом киреше кирген. Ошондой эле чыгашалар өткөн жылга салыштырмалуу 20%га өскөн. 9 айда бюджеттин чыгаша бөлүгү 127,7 млрд сомду түзгөн.
Мындан сырткары 6 айда чет элдик түз инвестициянын көлөмү өсүп, 321 млн долларды түзгөн.
