«Гендердик сезимтал журналистика» онлайн курсун өткөн алгачкы 20 катышуучу сыйланды. Онлайн окуу курсу аялдарга карата терс стереотиптерди, социалдык тоскоолдуктарды жоюуга, ошондой эле гендердик сезимтал материалдардын катарын көбөйтүү максатында иштелип чыккан.
«Гендердик сезимтал журналистика» боюнча онлайн курсун алгачкылардан окуган жеңүүчүлөр төмөнкүлөр болду:
- Түмөнбай Абдинаби уулу
- Бахар Хакимова
- Орозгүл Арстанова
- Тумар Асаналиева
- Жаркын Замирбекова
- Малика Нурланова
- Айзирек Медербекова
- Айдана Топчубекова
- Адина Жоробекова
- Расул Мурат
- Нурсулуу Нуркамилова
- Айжан Бакытбек кызы
- Гулиза Эрмекова
- Кымбат Турдубекова
- Амир Азимов
- Айнура Чойтонбаева
- Жаннури Калмамбетова
- Лев Алекс
- Данил Цой
- Бактыяр Бердибеков
Сыйлыкты тапшыруу аземи 21-октябрда Бишкек шаарында өттү. Бул сынакка катышуу үчүн Фейсбук колдонуучулар өз алдынча онлайн курстан өтүп, жыйынтыктоочу тестти тапшырып, сертификатка ээ болушкан. Сынактын шартына ылайык, Фейсбукка сертификатын жарыялаган алгачкы 20 адам сыйлык ээлери катары таанылган. Жеңүүчүлөр 1000 сомдук китеп сатып алууга сертификаттарды же акчалай сыйлыктарды алышты.
«Журналисттердин, блогерлердин гендердик теңдик темасын сапаттуу чагылдырышы биздин жарандык коомдун өнүгүшү үчүн абдан маанилүү. Себеби гендердик теңдик сакталган жерде коомдун ар бир мүчөсүнүн өсүп-өнүгүшүнө, кыялдарын, максаттарын ишке ашырып, бактылуу болушуна шарт түзүлөт», — деди Эмгек, социалдык коргоо жана миграция министрлигинин үй-бүлө, балдар, гендердик саясат жана үй -бүлөлүк зомбулуктан коргоо бөлүмүнүн башчысы Гульнура Мамбетисаева сыйлык тапшыруу учурунда.
«Гендердик маселени журналисттер кандай деңгээлде чагылдырса, ошого жараша элдин пикири калыптанат. Биздин журналистика байкабастан бул багытта көп катачылыктарды кетирип коюп жатат. Бул онлайн курс аркылуу журналисттер гендердик сезимтал журналистиканын негиздерин өз алдынча окуп, билим алып, сапаттуу материалдарды жаратат деп ишенебиз», – дейт «Журналисттер» коомдук бирикмесинин башкаруу кеңешинин мүчөсү Марат Токоев.
«20 жылдан бери журналист болуп жүрөм, баарын билем» деген туура эмес. Биз билимибизди тынымсыз өнүктүрүп, гендердик сезимталдыкты алгач өзүбүздө калыптандыруубуз керек. Ошондо гана коомдун өнүгүшүнө салым кошкон сапаттуу материалдар жаралат», — деди ал.
Сыйлык тапшыруунун сүрөттөрү: https://flic.kr/s/aHsmWYEtW1
Гендердик сезимтал журналистика боюнча онлайн курс 3 сабактан турат жана болжол менен 2-3 саатка эсептелген. Бардык 3 сабакты өткөндөн кийин финалдык тестти тапшыруу сунуш кылынат. Тесттин жыйынтыгында «Гендердик сезимтал журналистика боюнча онлайн курсун ийгиликтүү аяктаганы жөнүндө» сертификат берилет. Сертификатты курстун баракчасынан көчүрүп алууга болот. Онлайн курс «Журналисттер» коомдук бирикмесинин сайтында жайгашкан жана бардык каалоочулар үчүн ачык жана акысыз.
Кыргыз тилиндеги онлайн курстун шилтемеси: https://journalist.kg/kg/courses/genderdik-sezimtal-zhurnalistika-boyuncha-onlajn-okuu-modulu/
Орус тилиндеги онлайн курстун шилтемеси: https://journalist.kg/ru/courses/obuchayushhij-onlajn-modul-po-genderno-chuvstvitelnoj-zhurnalistike/
Гендердик сезимтал журналистика боюнча онлайн курс журналисттер, журналистика факультетинин студенттери, блогерлер жана башка кызыкдар тараптар үчүн иштелип чыккан.
Онлайн курс Кыргыз Республикасынын Эмгек, социалдык камсыздоо жана миграция министрлигинин демилгеси боюнча БУУӨПтүн жана Финляндиянын Тышкы иштер министрлигинин «Кыргыз Республикасында укуктук мүмкүнчүлүктөрдү кеңейтүү үчүн туруктуу сот адилеттигине жетүү» долбоорунун колдоосу менен иштелип чыкты.
