Эртең, 14-октябрда саат 9:00дөн 21:00гө чейин Бишкектин айрым райондорунда таза суу өчүрүлөт. Бул тууралуу Бишкек шаардык мэриясынын басма сөз кызматы билдирди.
Таза суу «Батыш-2» суу алгычындагы жана шаардык суу түтүктөрүндөгү оңдоо жана техникалык тейлөө иштерине байланыштуу үйлөрдө, мектептерде, бала бакчаларда, саламаттыкты сактоо мекемелеринде жана башка социалдык жана өндүрүштүк объектилерде өчүрүлөт.
Ала-Арча суусу темир жол линиясы, Жибек-Жолу проспектиси, Жаш Гвардия бульвары жана Жаш Гвардия — Темир жол линиясы, Фрунзе — Манас көчөлөрү чектешкен аймакта суу токтотулат.