Польша мамлекети Кыргызстанга 55 миң 200 доза AstraZeneca вакцинасын жөнөттү. Бул тууралуу Саламаттыкты сактоо жана социалдык өнүгүү министрлигинин басма сөз кызматы билдирди.
Жөнөтүлгөн жүктү «Манас» аэропортунан министрдин орун басары Улук-Бек Бектурганов, Польшанын Кыргызстандагы элчиси Томаш Коллат Евробиримдиктин өкүлү Эдуард Ауэр тосуп алды.
Вакцина Европа Биримдигинин Жарандык колдоо механизминин алкагында COVID-19га каршы биргеликте күрөшүү максатында жөнөтүлгөн.