Чүй облусунун Москва районунда турак үй өрттөнүп, бир адам каза тапты. Бул тууралуу Өзгөчө кырдаалдар министрлигинин басма сөз кызматы билдирди.
Кечээ, 10-октябрь саат 23:35 чамаларында «101» кыска номерине Москва районундагы Петровка айылынын Водоёмный көчөсүндөгү үй өрттөнүп жатканы боюнча чалуу түшкөн.
ӨКМдин Москва райондук бөлүмүнүн кызматкерлери жерине 23:47де жетип, саат түнкү 1де өрт толук өчүрүлгөн.
Учурда өрттүн чыгуу себептери жана каза тапкан эркек кишинин аты-жөнү такталып жатат.