Жалал-Абад шаарында «Эковеломарафон» аталышындагы жарыш өткөрүлдү. Бул тууралуу мэриянын маалымат кызматы билдирди.
Абанын булганышына коомчулуктун көңүлүн буруу, шаардагы экологиялык абалды жакшыртуу максатын көздөгөн бул иш-чара Жалал-Абад шаардык мэриясы, «Дестинация Жалал-Абад», Youth of Osh коомдук бирикмелери тарабынан уюштурулган.
Марафонго 100дөн ашуун адам катышты. Анын алкагында велосипедди автоунаага атаандаш катары колдонуу чакырыгы ташталды.
Жарыштын соңунда жеңүүчүлөргө атайын белектер тапшырылды.