Кыргызстандык балбан кыз Мээрим Жуманазарова (68 кг) Норвегиянын Осло шаарында өтүп жаткан күрөш боюнча Дүйнө биринчилигинин финалына чыкты.
Жарым финалдык беттеште ал орусиялык Ханум Велиеваны жеңип алды.
Финалдык беттеш эртең, 7-октябрда өтөт. Жуманазарова алтын үчүн япониялык балбан менен күрөшөт.
Мээрим Жуманазарова килем үстүнө бүгүн, 6-октябрда чыгып, таймашты 1/8 финалдан баштаган. Биринчи беттешинде кореялык Минжи Ханы, андан кийин чейрек финалда канадалык Оливиа Грэйс Ди Баккону жеңип, жарым финалга чыккан.