Нобель Тынчтык сыйлыгынын эң жаш лауреаты Малала Юсуфзайдын чыныгы окуясы баяндалган «Мен Малала» китеби кыргызчага которулду. Бул тууралуу «Китепстан» басма үйүнүн негиздөөчүсү Бакытбек Абдуллаев билдирди.
Аталган китепти Малала Юсуфзай жана Патрисия Маккормик жазган. Талибдер Пакистандын Сват аймагын кѳзѳмѳлгѳ алган учурда Малала 10 жашта эле. Талибдер кыздарга мектепке барууга тыю салган мезгилде ал билим алуу укугу үчүн күрѳшѳт. Малаланы өзүнүн көздөгөн максатына жетүү үчүн аягына чейин турууга үйрѳтүшкѳн. 2012-жылы 9-октябрда мектептен үйүнѳ бараткан жолдо автобуста ага кол салуу болгон. Ок атылат. Анын аман калышына эч кимдин кѳзү жеткен эмес. Эми Малала билим берүү боюнча активист тынчтык жүрүшүнүн эл аралык символуна айланды. Унчукпоодон баш тарткан кыздын ѳз оозунан укмуштуудай окуяны угасыз. Малаланын күчтүү ишмердиги бир бала, бир мугалим, бир китеп жана бир калем сап дүйнѳнү ѳзгѳртѳ аларына ишендирет.
Белгилей кетсек, «Мен Малала» китебин «Китепстан» басма үйү баардык автордук укуктарды сактоо менен кыргызчага которду. Китепти кыргызчага Алтынай Токтоматова которгон. Редакторлукту Кубат Чекиров, корректорлук кызматты Алтынай Сейдалиева аркалады.
Китепти 0550666332, 0702773443 аркылуу же китеп дүкөндөрдөн сатып алса болот.
