Эркин күрөш боюнча балбан Эрназар Акматалиев (70 кг) Осло шаарында өтүп жаткан күрөш боюнча Дүйнө чемпионатынын финалында атаандашына утулуп, күмүш байге тагынды.
Финалдык беттеште ал польшалык Магомедмурад Гаджиевге 2:1 эсебинде жеңилип калды.
Эскерте кетсек Акматалиев килем үстүнө 4-октябрда чыгып, күрөштү квалификациялык айлампадан баштаган. Биринчи беттешинде ал шри-ланкалык балбан Анил Каруна Пели Гераданы 10:0, 1/8 финалда армениялык Арман Андреасянды 11:2 эсебинде жеңген.
Андан кийин чейрек финалда ирандык Эрфан Мохаммад Элахини уткан. Ал эми жарым финалда ал орусиялык Евгений Жербаев менен беттешип, аны 9:5 эсебинде жеңип алган.