Кыргызстандык балбан 62 кг салмакта күрөшкөн Айсулуу Тыныбекова кыз-келиндер арасында күрөш боюнча Дүйнө биринчилигинде алгачкы атаандашын жеңип алды. Бул тууралуу United World Wrestling уюмунун сайтында кабарланды.
Айсулуу Тыныбекова мелдештин 1/8 финалында япониялык Нонока Озакини 6:4 эсебинде утуп алды. Ал муну менен мелдештин чейрек финалына чыкты.
Чейрек финалда Айсулуу Тыныбекова беларусиялык спортчу Вераника Иванова менен күрөшөт.
Күрөш боюнча Дүйнө чемпионаты 2-10-октябрда Норвегиянын Осло шаарында өтүүдө. Ага Кыргызстандын атынан 15 балбан барган.