Талас облусунда 41 миңден ашык киши коронавируска каршы эмделди. Бул тууралуу республикалык штабдан билдиришти.
Азыркы тапта облуста 92,2 миң кишини коронавируска каршы эмдөөдөн өткөрүү пландалган. Алардын ичинен 45%ы же 41 миңден ашык киши вакцинанын биринчи дозасын алган. Ошондой эле 30,4%ы вакцинанын эки дозасы менен тең эмделген.
Эскерте кетсек, Кыргызстанда коронавируска каршы эмдөө 28-мартта башталган. Учурда өлкөдө Sinopharm, «Спутник V» жана AstraZeneca вакциналары менен эмдөө жүргүзүлүүдө.