Канат Маматов Кыргыз футбол союзунун президенти кызматынан кетти. Бул тууралуу Кыргыз футбол союзунан билдиришти.
Буга байланыштуу аткаруучу комитет жаңы жетекчини шайлоо үчүн 11-октябрга кезексиз жыйын өткөрүүнү чечти.
«Азыр башка ишке киришүүнү ниеттенип жатам. Бирок өлкө футболунун өсүп-өнүгүшүнө салым кошо бермекчимин. Футбол менин жашоомдун бир бөлүгү бойдон кала берет», — деген Маматов.
Ал жергиликтүү басылмалардын бирине 28-ноябрда өтө турган парламенттик шайлоого катыша тургандыктан кызматтан кетип жатканын айткан.
Маматов Кыргыз футбол союзунун (анда ал Кыргызстандын фктбол федерациясы деп аталган) президенти кызматына 2019-жылдын 9-февралында шайланган. Ага чейин ал кызматты Семетей Султанов ээлеп келген.