Япониянын мурдагы тышкы иштер министри Фумио Кисида өлкөдөгү башкаруучу Либерал-демократиялык партиянын төрагалыгына шайланып, өлкөнүн жаңы өкмөт башчысы болмокчу.
Ал бир жылдай өкмөт башчылык кызматта отурган Ёсихидэ Суганын ордуна келет. Сентябрдын башында Ёсихидэ Суга премьер-министр кызматынан кетерин билдирген.
Фумио Кисида өкмөт башчы кызматына парламенттин 4-октябрда өтө турган кезексиз сессиясында бекитиле тургандыгы күтүлүүдө.
64 жаштагы Кисида Япониянын 100-премьер-министри болуп калат.