Өзбекстанда 12 жашка толгон (18 жашка чейинки) өспүрүмдөрдү коронавируска каршы Pfizer вакцинасы менен эмдөөгө уруксат берилди. Бул тууралуу өлкөнүн Саламаттык сактоо министрлиги билдирди.
Министрлик белгилегендей, чет жерде 12-15- жаштагы балдар арасында жүргүзүлгөн сыноо вакцина өспүрүмдөр үчүн коопсуз экенин көрсөткөн.
12 жашка толгон өспүрүмдөрдү эмдөөдөн өткөрүү үчүн алардын ата-энесинин (же асыраган адамдын) уруксатын алуу керек болот. Эмделердин алдында алар медициналык кароодон өтүшү зарыл.
Белгилей кетсек, жакында эле Өзбекстанга Pfizer вакцинасынын 1,2 млн дозасы келген.