Украинада Киевге жакын Лесники айылында президент Владимир Зеленскийдин досу жана жардамчысы Сергей Шефирге кол салуу болду.
Бүгүн, 22-сентябрда жергиликтүү убакыт боюнча болжол менен саат 10:00дө белгисиз адам Шефир отурган унааны аткылаган. Жалпы 12 ок чыгарылып, анын ону унаага тийген.
Жергиликтүү басылмалар жазгандай, Шефир жабыркаган эмес. Бирок анын айдоочусу жарадар болгон: ага үч ок тийген.
Ал арада полиция кызматкерлери окуя жерине барып, иликтөө иштерин баштады. Алар окуянын күбөлөрүнө кайрылып, көргөн-билгендерди маалымат берүүгө чакырды.
Зеленскийдин маалымат катчысы Сергей Никифоров кол салгандар, ага буйрутма бергендер менен кол кабыш кылган адамдар жазадан кутулбай турганын белгиледи.